स्तवन

तर ही एक (वि)संवादिनी.
अशीच, माझ्यासारखीच
माझीच आणि माझ्याशीच
एक व्यक्तता, एक संवेदना
अस्तित्ववादाची वास्तववादाशी घातलेली एक अपरिहार्य सांगड.

...वाद.. संवाद... विसंवाद - असंच काहीसं.
किंवा असंही नसेल कदाचित...
असेल, हे सारं तथाकथित दृष्ट्या विस्कळीत असेल,
विसंगत किंवा असंगतही.
पण मग - हा तर माझाच स्वभावविशेष!
---विस्कळीतपणातील व्यवस्थित सुसूत्रता.

(मीच..?)

पण "असं"च का, याचंही उत्तर हेच - ही एक विसंवादिनी...